فضيحة تعاون النقابة مع امن الدولة على صفحات الجرايد

فضيحة تعاون النقابة مع امن الدولة على صفحات الجرايد

نشره elsaeedi يوم أحد, 2007-10-07 13:22.
كتبت من فترة عن وجود تعاون بين بعض اعضاء المجلس وامن وماحدش صدق وناس كتير شككت فى الكلام وقلنا ان التعاون ده يتم فى ايطار صفقة الكل دلوقتى عارفها كويس وبرده الناس كدبتنا لحد ما نشرت انبارح 6/6 جريدة المصرى اليوم على صفحتها الاولى خبر يفيد القبض على تنظيم جديد ينوى القيام بعمليات ارهابية فى مصر وطبعا مباحث امن الولة هى التى قامت بالقبض على المجموعة ده ماشى المهم وطبقا لما جاء بالخبر ولما اسفرت عنه تحقيقات نيابة امن الدولة العليا شخصيا ان احد ابرز اعضاء المجموعة تم التعرف علية من خلال توقيعة على كشوف المتطوعين للجهاد ضد القوات الامريكية فى نقابة المحامين والتى دعا اليها سامح عاشور نقيب المحامين عقب غزو القوات الامريكية العراق عام 2003وقد حصلت اجهزة الامن على الكشوف من مسئول نقابى كبير الى انتهى الخبر اقصد الفضيحة وماحدش يقول فضيحة ليه ده كلمة فضيحة قليلة على ال حصل ده ال حصل يخل الناس تفقد الثقة فى نقابة المحامين مش القضاء على دورها الوطنى والقومى ال النقيب دمره خالص بردة فى ايطار التعاون الامنى ولكن ده هيخلى الناس تفقد المصداقية فىاى عمل تدعوا اليه نقابة المحامين هيشوه صورة المحامين اكتر ماهى متشوه يعنى الناس حطت ثقتها فى نقابة المحامين وفى دعوة النقيب لهم بالجهاد وجت النقابة والنقابة سلمتهم رسمى لامن الدولة يا عينى عليكى يا نقابة المحامين والمسئول عن كدا طبعا السيد النقيب لانه النقيب وهو الممثل الرسمى على النقابة وهو المسيطر والمهيمن على كل كبيرة وصغيره فيها ثانيا لانه صاحب الدعوة الى الجهاد والكشوف المفروض انها تحت ايده وهو المسئول عنها يا نقيب صدقنى المتغطى بالحكومة عريان